Kombëtarja shqiptare e futbollit ka humbur një pozicon në renditjen e publikuar nga FIFA dhe të përditësuar këtë 3 prill. Nga vendi i 65-të, tanimë kuqezinjtë e gjejnë veten në pozitën e 66-të dhe për këtë kanë ndikuar sfidat kualifikuese të Kupës së Botës. Për Grupin K, ekipi ynë humbi 2-0 me Anglinë dhe mposhti 3-0 Andorrën, por rezultati i fundit nuk na ka mbajtur në të njëjtën pozitë.
Pozicioni më i lartë që ka mbajtur ekipi ynë në renditjen e FIFA-s ka qenë vendi i 22-të, në gushtin 2015, pas kualifikimit në finalet e Euro 2016.
KOSOVA – Pasi u futën në 100 ekipet më të mira në botë, “Dardanët” kanë bërë përparim dhe në përditësimin e fundit e shohin veten në vendin e 97-të, duke fituar dy pozicione.Janë kampionët në fuqi të botës, Argjentina që vijon të prijë klasifikimin e kombëtareve më të mira, ndjekur nga Spanja, Franca, Anglia, Brazili, Holanda, Portugalia, Belgjika, Italia dhe Gjermania.
HUMBJA ME ANGLINË/ Kombëtarja zbret një pozicion në renditjen e FIFA-s! Kosova ngjit dy shkallë, prin Argjentina
