– Taulant Seferi ka shënuar një supergol dhe ka asistuar te Bodrumspor, paçka se pas kohës së rregullt ekipi i tij u eliminua nga Kupa e Turqisë, pasi u mposht 3-2 nga Trabzonspor.
Në “Papara Park” të Trabzonit ishin vendasit që kaluan të parët në epërsi pas tre minutave lojë, por Taulant Seferi u kujdes të vendoste ekuilibrat në minutën e 15-të me një supergol.
Pesë minuta më vonë Seferi asistoi për Enis Bardhin, por po brenda pjesës së parë Trabzonspor barazoi dhe ndeshja shkoi me shtesë. Në minutën e 98-të Zubkov u dha suksesin vendasve, ndërsa skuadra e Seferit eliminohet.
Sulmuesi i Kombëtares luajti 120 minuta shumë të mira, duke i dërguar një “sms” edhe Sylvinhos me paraqitjen e tij. Kujtojmë se anësori i sulmit nuk ishte pjesë e Kombëtares në dy ndeshjet kualifikuese të Grupi K për Kupën e Botës të zhvilluara në mars.
