U luajtën të premten tre ndeshje e para të javës së katërt në Kategorinë e Parë, me emocionet dhe golat që ishin prezent deri në fund.
Në “Liri Ballabani”, Burreli arriti një fitore me përmbysje 2-1 ndaj Besës. Pjesa e parë u mbyll pa gola, ndërsa kavajasit kaluan të parët në avantazh me Danajn në minutën e 56-të. Reagimi i vendasve ishte i shpejtë, teksa Xhabrahimi barazoi me penallti në minutën e 77-të dhe Da Silva vulosi përmbysjen në minutën e 90+7-të.
Në Pogradec, Skënderbeu mori tri pikë të arta në “Gjorgji Kyçyku” duke fituar 0-1 ndaj vendasve në derbin e juglindjes. Heroi i korçarëve ishte Abiodoun Tayo, që shënoi golin e vetëm në minutën e tretë shtesë.
Ndërkohë, Laçi vazhdon formën e mirë duke mposhtur Korabin 2-0. Myrta hapi serinë e golave në minutën e 39-të, ndërsa Nerguti e mbylli sfidën në fund (90’).
Skënderbeu mbran kreun me dhjetë pikë, ndjekur nga Laçi. Panorama e plotë e renditjes do mësohet sot pasi në program duke nisur nga ora 16:00 janë edhe tre takimet e mbetura.
Kategoria e Parë, raundi i katërt:
E premte, 19 shtator 2025
Burreli 2-1 Besa (Xhabrahimi 77’ (p), Da Silva 90’+7 / Danaj 56’)
Laçi 2-0 Korabi (Myrta 39’, Nerguti 90’)
Pogradeci 0-1 Skënderbeu (Abiodoun 90+3′)
E shtunë, 20 shtator 2025 – 16:00
Apolonia – Kastrioti
Iliria – Kukësi
Lushnja – AF Luftëtari
Renditja:
