Pas përfundimit të votimit për president të FSHF-së, ka folur Zv.presidenti i UEFA-s, Grigory Surkis.
Ai ka deklaruar se zgjedhjet ishin të rregullta dhe se Fino mund ta ndihmojë futbollin nga pozicioni që ai ka.
“Zgjedhjet ishin brenda rregullave, të rregullta dhe në demokraci. Në mendimin tim nuk ka humbës. Është detyrë e Federatës që të zhvillojë futbollin.
Kemi ide të reja se si do ta ndihmojnë futbollin shqiptar. U bëra thirrje kandidatëve që të ndihmonin futbollin shqiptar.
Dua që të uroj presidentin e Futbollit dhe t’i uroj suksese. Fino mund ta ndihmojë futbollin nga pozita që ai ka”,- tha Surkis për “BW”.
Gjatë raundit të dytë Armand Duka ka marrë 38 vota ndërsa Bashkim Fino vetëm 24 vota, 3 prej tyre ishin të pavlefshme.
