Ekipi i Lids ka humbur 1-2 në shtëpi, në sfidën ndaj Shefild ditën e sotme. Në ekipin e Lids luan edhe ish-sulmuesi i Partizanit, Kaleb Ekuban.
Ai u transferua në verë nga Kievo te Lidsi pë shumën 500 mijë euro, por në ekipin e “Championship”-it nuk po i ecin gjërat si duhet.
Ekuban e nisi nga formacioni sfidën e sotme, por performanca e tij ishte një zhgënjim i vërtetë. Ganezi humbi shumë raste përpara porte dhe tifozët u acaruan aq shumë sa kërkuan në kor zëvendësimin e tij.
Ndërsa, pas ndeshjes tifozët kërkonin largimin e tij në rrjete sociale. Sipas tyre, sulmuesi nuk ka treguar asgjë dhe transferimi i tij është i dështuar.
