Kombëtarja shqiptare po zhvillon në këto momente seancën e parë stërvitore në kompleksin “Tropikal” në Durrës.
Stërvitja ka nisur në orën 15:30. Në minutat e para, trajneri Christian Panucci ka mbledhur skuadrën dhe ka folur para grupit rreth 15 minuta.
Mësohet se italiani u ka komunikuar futbollistëve objektivat e skuadrës.
Gjatë kësaj kohe bashkë me kuqezinjtë ka qenë edhe presidenti i Federatës Shqiptare të futbollit, Armand Duka, i cili ka dëgjuar fjalimin e Panuccit.
25 lojtarë janë të pranishëm në këtë seancë të parë të Kombëtares, e cila po përgatitet për miqësoren me Norvegjinë që do të zhvillohet më 26 mars në “Elbasan Arena”
