Agjenti i Elseid Hysajt, Mario Giuffredi, ka qenë i ftuar në radion e tifozëve të Milanit, “Radio Rossoneri”.
Gjatë emisionit LIVE, Giuffredi ka thënë se Hysaj është i kënaqur te Napoli, por të ardhmes nuk i dihet, duke lënë të hapur mundësinë e një transferimi të tij te Milani.
“Do ta shohim si do të shkojë sezoni te Napoli dhe më pas do të flasim për të ardhmen e Hysajt. Në Napoli është i lumtur, por në futboll dhe në jetë çdo gjë mund të ndodhë, të ardhmes nuk i dihet”, përfundoi agjenti i lojtarit të Kombëtares shqiptare.
Hysaj është përfolur për një transferim te shumë ekipe të njohura, si Manchester United, Real Madrid, Juventus dhe së fundmi te Milani.
