Luciano Spalletti ka thënë se Interi beson se do të mundë ta arrijë vendin e katërt në Serie A, i cili dërgon në garën më prestigjioze evropiane për klube, Ligën e Kampionëve.
Trajneri i “Zikaltërve” ka folur sot për Sky Sports Italia pas ceremonisë së zgjedhjes së trajnerit më të mirë në Serie A për vitin e kaluar, çmim i cili u fitua nga Max Allegri i Juventusit.
Spalletti ka insistuar se skuadra e tij duhet të dëshmojë se ka cilësinë e vazhdimësisë.
“Ende kemi kohë për ta dëshmuar se kemi cilësinë e vazhdimësisë”, ka thënë ai.
“Duhet të punojmë për ta ndërtuar të ardhmen. Besoj se mund ta arrijmë vendin e katërt”, shtoi ai.
