Andrea Pirlo ka drejtuar për herë të parë Juventusin në një miqësore kundër ekipit U-23 të bardhezinjëve. Ish-mesfushori luajti me një skemë 4-3-3 dhe fitoi minimalisht falë golit të Marko Pjacës.
Kuadrados i’u dha më shumë liri në sulm, ndërsa Artur Melo luajti para mbrojtjes në vendin e Pjaniçit. Ramsei, Kosta dhe afrimi më i ri Mekeni formuan treshen e sulmit. Pjaca shënoi golin e vetëm të takimit, dhe mund të provojë shanset e tij për të qëndruar tek Juventusi pas huazimit.
Higuain dhe Kedira u lanë jashtë skuadrës nga Pirlo, pasi trajneri nuk i ka në planet e tij.
