Tifozët e Paris SG humbën ‘yllin’ e skuadrës në momentin më kritik të sezonit, në ndeshjen e kthimit me Real Madrid në “Champions League”. Por të njëjtin fat rrezikojnë të kenë edhe tifozët e Brazilit, pasi Neymar-it, me çfarë ai vetë ka zbuluar së fundmi rrezikon shumë për Botërorin.
Ndërkombëtari brazilian tregoi përmes “Instagram Stories” se ka një këmbë të fryrë, çka nënkupton një proces të gjatë për t’u rikuperuar. Ndërkohë, Neymar Jr nuk e ka ndalur dashurinë e tij për poker në rrjetet sociale, në raste të shumta. Meqë ai është i dëmtuar, sulmuesi përfiton nga koha e tij e lirë për të organizuar kampionate në shtëpi, në të cilët fton edhe miqtë virtualë.
