Zinedine Zidane është i dënuar të fitojë, në të kundërtën e ardhmja e tij te skuadra e Real Madrid është në diskutim, ndërkohë që emrat e trajnerëve që mund ta zëvendësojnë janë të shumtë. Trajneri francez ndodhet në stolin e skuadrës “merengues” që prej vitit 2016, ku ka fituar 8 trofe, mes të cilëve një titull kampion dhe dy Champions League radhazi. Por ky sezon ka qenë zhgënjyes për Real, që ka ende shanse të triumfojë në Europë, por edhe kaq mund të mos mjaftojë për Zidane.
Mediat spanjolle bëjnë me dije sot se mes kandidatëve është shtuar edhe trajnerit gjerman Jurgen Klopp, që aktualisht drejton skuadrën e Liverpool. Klopp po bën një paraqitje të shkëlqyer si në Premier League ashtu dhe në Champions. Kuotat e trajnerit gjerman për të drejtuar “los blancos” janë rritur ndjeshëm pas fitores 3-0 që “reds” arritën ndaj Manchester City në Champions League këtë mesjavë. Këto rezultate janë një kartvizitë e mirë e Klopp, që pasi ka shkëlqyer në Bundsligë dhe Premier tani mund të drejtojë dhe triumfojë edhe në La Liga.
