Lionel Messi ishte ylli i mbrëmjes në fitoren e Barcelonës 3-1 kundër Leganes të shtunën, gjë të cilën e ka pranuar edhe bashkëlojtari i tij pas ndeshjes, Ivan Rakitic.
Duke folur për argjentinasin, Rakitic shpjegoi se është e drejtë që të gjithë flasin rreth arritjeve të tij.
“Nëse të gjithë po flasin për Messin është sepse ai e meriton”, ka thënë kroati pas ndeshjes ndaj Leganes.
“Edhe vetë do të flas për të kur të shkoj në shtëpi”, shtoi ai.
Fitorja mbrëmë bëri që Barcelona ta barazojë rekordin e Real Sociedadit prej 38 ndeshjeve pa humbje në La Liga, gjë që e ka bërë krenar edhe Rakiticin.
“Jemi shumë krenarë që e kemi barazuar këtë rekord”, theksoi ai.
