Për Kimi Raikkonen, gara e Çmimit të Madh të Bahrein zhvilluar ditën e diel në pistën e Sakhir ishte një dështim, pasi gabimi që bëri në bokse, në momentin që po ndërronte gomat, i kushtoi shumë si pilotit ashtu dhe një prej mekanikëve të Ferrarit, që përfundoi në spital dhe um operua në këmbë. “Një fundjavë për t’u harruar, nuk ia vlen ta kujtojmë. Më vjen keq, pasi isha në vendin e tretë dhe synoja një vend në podium”, tha Raikkonen.
Piloti finlandez zynonte një vend në podium, ishten konstant në garën e tij deri në ato momente, madje në fund edhe mund të duelonte për fitore. “Nuk e di se çfarë ndodhi, por pashë dritën jeshile dhe u nisa. Për fat të keq një mekanik u dëmtua dhe më vjen keq për atë që ndodhi, por detyra ime është që të nisem sapo shoh dritën jeshile. Shpresoj që gara e radhës të jetë më e mirë dhe të rikthehem te podium”, deklaroi Kimi Raikkonen.
