Trajneri i Manchester City, Pep Guardiola, është vënë në shënjestrën e UEFA për sjellje të papërshtatshme gjatë ndeshjes së Champions League, ku ekipi i tij u mposht nga Liverpool.
Spanjolli u nxor me karton të kuq nga gjyqtari, si pasojë e një debati dhe UEFA po shqyrton sjelljen e tij për të caktuar masën e skualifikimit.
Spanjolli Antonio Mateu Lahoz e detyroi Guardiola ta shikonte ndeshjen nga tribuna në fund të pjesës së parë, ku skuadra e tij po fitonte 1-0, por në fund mposht 2-1.
Guardiola akuzohet se ka shkelur rregullin e 69-të, ku një trajner që del nga fusha nuk mund të komunikojë me stafin apo futbollistët e tij, por në pushim të ndeshjes Pep ishte në dhomat e zhveshjes, pavarësisht se përjashtimi i tij ndodhi sapo mbaroi pjesa e parë.
Vendimi për një gjobë të mundshme ose skualifkimin e Guardiola do të merret më 31 maj.
