Manchester United po lëviz për të marrë adoleshentin e Ajax, Justin Kluivert, djalin e Patrick Kluivert. “Djajtë e kuq” janë vënë në gjurmët e 18-vjeçarit, i cili prej një viti ka spikatur me aftësitë e tij te skuadra e Amsterdamit. Manchester ka vendosur të kthejë sytë nga të rinjtë dhe krahas Kluivert ka nisur të ndjek edhe Ryan Sessegnon të Fulham. Gjithashtu, Tottenham është lakuar për blerjen e të dy këtyre futbollistëve…
Gjatë finales së Europa League, në maj, kur Manchester United fitoi ndaj Ajax, trajneri Jose Mourinho u pa duke folur për disa minuta me Justin Kluivert. Mendohet se Mourinho i ka thënë: “Ti je një futbollist i veçantë dhe mendoj se do të bëjmë një transfertë të veçantë. Rritu edhe 1 vit në Holandë dhe pastaj do të bëhet sulmuesi im te United.”
Kluivert ka shpërthyer me Ajax dhe ka shënuar 4 gola në 145 ndeshje të kampionatit, pavarësisht se nuk ka mbushur ende 19 vjeç. Sessegnon, është talenti tjetër i kërkuar nga United, për të cilin ka nisur beteja me Tottenham. 17-vjeçari, që kushton rreth 30 milionë euro, rinovoi kontratën deri në vitin 2023 me Fulham, në fillim të këtij viti…
