Jurgen Klopp ka thënë se barazimi 2:2 i Liverpoolit në udhëtim te WBA nuk ishte një përgatitje ideale për ndeshjen e Ligës së Kampionëve ndaj Romës, që e zhvillon ditën e parë.
Liverpool e nisi mirë sfidën ndaj WBA duke shënuar dy herë përmes Ings dhe Salah. Vendasit nuk u dorëzuan deri në fund dhe arritën barazimin duke shënuar dy herë në fund të ndeshjes.
Ky barazim vjen pak ditë para ndeshjes së parë gjysmëfinale ndaj Romës në Ligën e Kampionëve.
I pyetur nga ‘SkySports’ nëse skuadra e tij është mentalisht e përgatitur për ndeshjen ndaj Romës, Klopp u përgjigj: “Për momentin jo, por të martën do të jemi”.
