Skuadra e Piolit nuk e nisi aspak mirë takimin, teksa pas vetëm 30 minutash lojë, Dabo mori karton të kuq, duke lënë skuadrën me 10 futbollistë. Nga epërsia numerike përfitoi Sassuoli, që shënoi golin e avantazhit në minutën e 41-të, me anë të lojtarit më në formë të saj, Politanos.
Në minutat në vijim ,skuadra vendase administroi rezultatin dhe madje iu afrua edhe golit të dytë me anë të kundërsulmeve. Nga ana tjetër, Fiore nuk arriti të bëhet shumë e rrezikshme, për shkak edhe të lodhjes që shkaktoi të luajturit me një lojtar më pak.
