Diego Simeone është zotuar se do të jetë në krye të Atletico Madridit edhe sezonin e ardhshëm, sipas presidentit të klubit spanjoll, Enrique Cerezo.
Simeone vazhdimisht është lidhur me një largim nga Atletico në vitet e fundit, me Evertonin si skuadra më e fundit që është interesuar për shërbimet e tij para se të emëronte Sam Allardycen trajner.
Por, Simeone më së shumti është lidhur me një kalim te Interi apo edhe Kombëtarja e Argjentinës, duke pasur parasysh historinë e tij me të dy ekipet sa ishte futbollist.
Megjithatë, Cerezo insiston se Simeone i ka thënë atij besën se nuk do të largohet nga skuadra.
“Ai është i qetë dhe po punon mirë në Atletico. Jemi krenar që e kemi këtë trajner të madh. Ai na e ka dhënë fjalën dhe përkushtimin se do të qëndrojë me ne edhe sezonin e ardhshëm”, ka thënë Cerezo.
