Edhe 180 minuta nga fundi i kampionatit dhe me Juventusin që bëhet gati për të festuar titullin e shtatë radhazi. Gjithsesi, ajo që ka rënë në sy së fundmi janë çmimet e biletave që klubi bardhezi ka rritur ndjeshëm, për duelin e javës së fundit, në “Allianz Stadium” kundër Veronës (çmimet variojnë nga 35 pas portave deri në 125 tribuna qendrore).
Edhe pse kjo mund të jetë një rritje e detyruar edhe nga fakti se në ndeshjen e fundit mund të bëhet ceremonia e titullit kampion, në orët e fundit kanë dalë zëra se kjo rritje mund të ketë ndikuar edhe për faktin se mund të ketë një dopio ceremoni, ajo e lamtumirës së një legjende si Xhanluixhi Bufon dhe tifozët nuk duan të mungojnë.
