Jose Mourinho thotë se Manchester United ka besim te rikuperimi i shpejtë i Alex Ferguson teksa trajneri legjendar mbetet në spital pas hemorragjisë cerebrale.
Nuk ka asnjë të re mbi gjendjen e tij që prej ditës së martë kur është raportuar se operacioni i tij ka qenë i suksesshëm.
Por teksa ishte hezitues për të ofruar detaje të reja, Mourinho tha se informacioni i fundit që ka marrë ka qenë inkurajues.
Dyshja ishte së bashku në publik vetëm një javë më parë kur nderuan Arsene Wenger në Old Trafford.
“Është një çështje private. Familja e tij ka kërkuar për privati dhe unë do ta respektoj këtë gjë,” shprehet Mou.
“Klubi është optimist, shumë optimist. Kemi besim. I gjithë ekipi ka reaguar në mënyrë pozitive pas lajmeve të reja.”
Djajtë e Kuq do të ndeshen me West Ham në ndeshjen e parafundit të kampionatit të enjten.
Jose on Sir Alex: "His family asked for privacy and that is what I am going to respect. But [as a club] we are positive. We are very, very positive." pic.twitter.com/qWMGxjECHv
— Manchester United (@ManUtd) May 9, 2018