Fabio Kanavaro bëhet gati që të nisë aventurën e tij të radhës në një pankinë kineze, në atë të Guangzhu Evergrandes, kampionët në fuqi, të cilët kanë një buxhet të madh dhe mund t’i lejojnë vetes edhe luksin e një merkatoje plot surpriza. Madje, dëshira e madhe e “Topit të Artë 2006” është ndër ato të frikshmet: Mauro Ikardi.
I ka bërë një ftesë zyrtare bomberit dhe kapitenit zikaltër për t’iu bashkuar, por përgjigjja e argjentinasit ka qenë epike, siç tregon vetë Kanavaro: “Sapo erdha te Guangzhu, ka pasur menaxherë që më kanë ofruar një mori me futbollistë nga Seria A. Ikardi mes tyre?
Me Mauron kam folur personalisht në telefon, madje edhe kur isha te Tianjinin, sepse na duhej një sulmues. Unë bëra shumë telefonata, shumë sulmues kontaktova, por Ikardi ishte i vetmi që më refuzoi milionat. Ai është mirë tek Interi dhe kërkon të qëndrojë aty, sepse projekti i tyre është realisht serioz”.
