Barcelona-Inter është një nga ndeshjet më të pritura të javës së tretë të Champions League. Një ndeshje që do të ketë një mungesë të madhe, me Leo Messi-n që nuk do të jetë në dispozicion të katalanasve për shkak të dëmtimit të pësuar në ndeshjen e kampionatit kundër Sevilla.
Vendin e tij do ta marrë ish-lojtari i Inter Rafinha, i përzgjedhur nga trajneri Ernesto Valverde, i cili ka vendosur të lërë në stol Ousmane Dembele, lojtari i blerë për 140 milionë euro nga Borussia Dortmund vitin e kaluar.
Rafinha ka luajtur 17 ndeshje me Inter në sezonin e kaluar, duke shënuar 2 gola. Pas përfundimit të huazimit, ai është kthyer te katalanasit.
