Pele është i mërzitur për Dani Alvesin që do ta humbasë Kupën e Botës pas një dëmtimi të ligamenteve e që do t’i duhet t’i operojë. Dani Alves do të mungojë në Kupën e Botës në Rusi. Ai dëmtoi ligamentet në finale të Kupës së Francës me Paris Saint Germainin dhe Federata e Futbollit të Brazilit tani ka bërë të ditur se lojtari duhet patjetër të operohet.
Ai pritet të jetë jashtë fushës së paku 6 muaj.Legjenda e Brazilit, Pele, është shumë i mërzitur që Alves do të mungojë në Kupën e Botës.Pele shkoi në Botëror më 1958 – ku fitoi të parin trofe nga tre herë që ka triumfuar – me lëndim dhe gjithashtu ishte i dëmtuar në Botërorin 1966 në Angli dhe e di më së miri si është të dëmtohesh para evenimenteve të tilla.
“Jam shumë i zhgënjyer që po e dëgjoj këtë”, shkroi 77 vjeçari në Twitter. “Futbollistët e urrejnë të mungojnë në ndeshje, por unë e di nga përvoja se të mungosh në Kupën e Botës është ndjenja më e keqe”.
A great winner, @DaniAlvesD2, is celebrating his birthday today! I wish you great health to help us bring another cup home this year! // Um grande vencedor, Dani Alves, está de aniversário hoje! Eu te desejo muita saúde para nos ajudar a trazer mais uma taça para casa este ano! pic.twitter.com/HKVCQCrI11
— Pelé (@Pele) May 6, 2018