Këtë të shtunë Milani do të vizitojë Chievo-n dhe trajneri kuqezi Gennaro Gattuso kthehet për herë të parë në Bentegodi, stadiumi që mund të kishte shënuar fundin e karrierës së tij si trajner i Milanit.
Gazzetta dello Sport shkruan sot se humbja 3-0 pësuar ndaj Veronës në 17 dhjetor 2017 mund të ishte fatale për trajnerin, pasi ish-presidenti Yonghong Li vendosi ta pushonte nga puna.
Ishte Massimiliano Mirabelli ai që i doli në mbrojtje Gattuso-s: drejtori sportiv vendosi të mbronte zgjedhjen e tij dhe i bindi pronarët kinezë që ta konfirmonin trajnerin.
Që atëherë, historia dihet, Gattuso ka pasur plot momente të mira e të këqija, por në asnjë moment nuk ka qenë aq pranë shkarkimit si pas asaj disfate të rëndë ndaj Veronës.