Trajneri Luciano Spalletti ka ftuar Alessandro Florenzin te Interi për t’u ribashkuar. Burime të ndryshme kanë konfirmuar për Corriere dello Sport dhe Il Tempo se Spalletti personalisht e ka telefonuar Florenzin për ta pyetur nëse është i interesuar për të kaluar në Giuseppe Meazza.
Ish-strategu Gialloros ka punuar me Florenzin dhe dëshiron që të përfitojë nga ngecja e negociatave për të që të nënshkruajë me të,.Reprezentuesi italian është i lidhur me Romën deri në qershor të vitit 2019 dhe bisedimet për rinovim nuk kanë ecur si duhet.
Florenzi vlerësohet për shumëanshmërinë e tij dhe punën e madhe në fushë, në gjendje të luaj në krah të djathtë të mbrojtjes, në krahun e djathtë të mesfushës, në qendër të mesfushës dhe në krahun e djathtë të sulmit.
Juventusi po ashtu është i interesuar për transferimin e lojtarit. Florenzi konsiderohet një prej aseteve kyçe të romakëve, por që Spalletti e sheh si pjesë të skuadrës së tij të madhe për sezonin e ardhshëm që do të garojë në Ligën e Kampionëve, gjithnjë nëse Nerazzurët arrijnë t’i fitojnë dy ndeshjete fundit në Serie A.
