Peter Stoger do të largohet nga Borussia Dortmund.
52 vjeçari austriak, pas ndeshjes së fundit të Bundesligës ku Dortmund u mposht 3:1 në udhëtim te Hoffenheim, ka njoftuar se do të largohet nga ‘milionerët’.
Stoger mori drejtimin e Dortmundit në dhjetor të vitit të kaluar, pas shkarkimit të trajnerit Peter Bosz.
“Sot ishte ndeshja ime e fundit për Dortmundin. Këtë vendim e kemi marrë së bashku me klubin pak kohë më parë”, ka deklaruar Stoger.
Dortmund sezonin në Bundesligë e përfundon në vendin e katërt me 55 pikë.
