Ish-sulmuesi i Vllaznisë, Armando Vajushi, që momentalisht është në pronësinë e Pro Verçelit në Serinë B, por i huazuar deri në fund të sezonit te Avelino, ka reaguar ashpër nëpërmjet një postimi në rrjetet sociale për ish-ekipin e tij, që gjendet buzë greminës.
“Turp t’ju vijë për këtë gjë që keni bërë. Turp dhe faqja e zezë. Sot vdiq djepi i futbollit dhe e gjithë Shkodra bashkë me të. Me pas pak nder duhet me heq fanellat e të largoheni vetë ju bashkë me ato drejtues që kanë gjithë këto vite që nuk e dinë çfarë është emri Vllazni dhe prandaj e çuan Vllazninë deri në këtë gradë. Larg duart prej Vllaznisë se është e shenjtë…”
