Lajme të këqija nga Italia për Pierre-Emerick Aubameyang. Sulmuesi i Arsenal, i paguar 64 milionë euro, rrezikon shumë për një çështje që nuk ka lidhje me futbollin.
Lojtari ka refuzuar t’u nënshtrohet testit të alkoolit në 2014-ën dhe është dënuar me 4 muaj, plus pezullimin e patentës për gjashtë muaj. Sulmuesi është ndalur nga policia pasi ka dalë nga një diskotekë, teksa ishte në drejtimin e Maserati-t të tij.
Ai, që nuk ka pasur as patentën me vete, ka refuzuar t’i nënshtrohet testit dhe çështja ka përfunduar në gjyq. Pas katër vitesh ka ardhur vendimi i gjyqtarit, që e ka dënuar lojtarin me 4 muaj.
Tani duhen pritur zhvillimet e mëtejshme të çështjes, por duket se ish-sulmuesi i Dortmund do të kalojë një verë shumë të nxehtë.
