Chelsea sapo ka fituar “FA Cup” ka nisur të mendojë edhe për merkaton e sezonit të ardhshëm, pavarësisht se mbetet në udhëkryq e ardhmja e trajnerit të tyre Antonio Conte.
Dy nga gazetat më prestigjioze në Europë, “Marca” dhe “The Sun”, kanë shkruar se londinezët janë favoritë për të marrë Robert Lewandowski nga Bayern Munich, duke parë se dështoi transferimi i polakut te Real Madrid, pavarësisht nga dëshira e tij për të mbyllur karrierën në Bavari.
Duke parë dilemat e mëdha për të ardhmen e Alvaro Morata, që ka të ngjarë të largohet nga “Stamford Bridge”, londinezët kanë nisur seriozisht bisedimet me menaxherin dhe njerëzit që rrinë pranë Lewandowski.
Numri 9 i Bayern ka shënuar 41 gola në 50 ndeshje të luajtura me Bayern sivjet, në të gjitha veprimtaritë.
