Festa e madhe në rrugët e Torinos do të jetë e fundit për Mario Mandzukiç si lojtar i Juventusit. Sulmuesi kroat do të jetë një nga të sakrifikuarit te kampionët e Italisë që pritet të bëjnë ndryshime në sulm ndërsa 31-vjeçari duhet të zgjedhë mes ofertave që kanë ardhur në drejtim të tij.
Besiktas që nuk arriti të fitonte titullin në Turqi e shikon si përforcimin ideal për sulmin dhe shumë shpejt do të nisë bisedimet me Juven ndërsa duhet kuptuar edhe dëshira e Mandzukiç. Për të ka edhe oferta më të mira ekonomike nga Kina dhe SHBA.
