Në Korçë Skënderbeu do të festojë sot titullin e fituar, por përpara se ta bëjë këtë do të përballet me Vllazninë në një 90 minutësh i cili është i fundit për këtë sezon.
Ndonëse për vendasit nuk ka rëndësi rezultati për skuadrën mike ai është jetik. Shkodranët duhet sot të fitojnë me patjetër për të patur shpresa për mbijetesën, me Kamzën e cila ka dy pikë më shumë.
Por shanset e Vllaznisë do të jenë të varura shumë edhe nga ndeshja në kryeqytet mes Partizanit dhe Kamzës. Nëse skuadra e Ahmataj fiton atëherë nuk ka asnjë shans për shkodranët. Nëse barazojnë, Vllaznisë i duhet një fitore me 3 gola dhe nëse Kamza humbet atëherë për shkodranët mjafton edhe 3 pikëshi me rezultat minimal.
Formacionet zyrtare
Skënderbeu: Teqja, Vangjeli, Sambou, Aliti, Abazi, Nimaga, Demte, Sahiti, Gripshi, Mara, Krasniqi. Trajner: I.Daja.
Vllaznia: Sherri, Gocaj, Malota, Berisha, Pjeshka, Krymi, Vucaj, Çinari, Kalaja, Lika Sukaj. Trajner: E.Kraja.
Gjyqtar: K.Kola
