Wanda Nara, bashkëshortja dhe menaxherja e Mauro Icardi ka folur për “Radio Metro” mbi përjashtimin e sulmuesit nga lista e të grumbulluarve e Argjentinës për Rusi 2018:
“Mauro është një njeri i përulur. Tek Inter, nëse do, mund të largojë dhe të marrë këdo me një lëvizje të gishtit. Për këtë arsye nuk ka dashur të flasë për kombëtaren. Donte të ishte pjesë e saj për meritat e tij”.
“Nuk i mungon asgjë për të qenë pjesë e Argjentinës, është i ri dhe ka një rendiment të lartë. Është takuar me Sampaoli-n disa herë dhe i ka thënë atë që mendonte”, ka vazhduar Wanda Nara.
“Mauro është numri 9 i ardhshëm i Argjentinës, por ndoshta ky nuk ka qenë momenti i tij. Gjithsesi, ai po pret me qetësi që të luajë. Ka gjëra që nuk shpjegohen. Ajo që po i ndodh atij është një padrejtësi, meriton të jetë pjesë e kombëtares”.