Manchester United ka pasur kontaktet e para me menaxherin e tij, Paris Saint Germain po kërkon vazhdimisht informacione. Ndërkohë, Juventus po punon për t’i zgjatur kontratën dhe më pas do të shqyrtojë ofertat që do të vijnë: Alex Sandro, padyshim, që do të jetë protagonist në merkaton e verës.
Te Juventus nuk është ende e qartë situata e mbrojtësve të krahut, pasi Litchsteiner dhe Asamoah janë larguar në fund të kontratës, Darmian nuk ka ardhur ende, ndërsa për Alex Sandro ka një “mal” me oferta.
50 milionë euro mund të kënaqin Juven, teksa Manchester United është favorit, por në orët e fundit po përballet me konkurrencën e PSG.
Aktualisht, Alex Sandro ka një kontratë prej 2.8 milionë eurosh në sezon deri në vitin 2020 me Juventus.
