Media e njohur franceze L’Equipe raporton se Nica ka gjetur tashmë zëvendësuesin e trajnerit Lucien Favre, që u largua për të marrë drejtimin e Borusias së Dortmundit.
Sipas saj, do të jetë pikërisht ish mesfushori i Juventusit dhe Interit, Patrick Vieira, ai që do të ulet në stolin e Nices, gjatë sezonit të ardhshëm.
Vieira aktualisht është trajner i New York Cityt në MLS-në amerikane dhe këtë fundjavë do të drejtojë skuadrën në ndeshjen e fundit, ndërsa vetëm më pas do të bëhet edhe zyrtarizimi i tij si trajner i Nices.
