Do të luhet ditën e shtunë derbi i kryeqytetit, mes Tiranës dhe Partizanit, në një ndeshje ku sigurisht të dyja skuadrat futen në fushë për fitore.
Në prag të kësaj supersfide, gjatë kësaj kohe nuk kanë munguar as provokimet nga të dyja palët. Këtë herë, kanë qenë dy futbollistë të Partizanit, që kanë postuar në lidhje me derbin, Braziliani Uilliam Kordeiro Melo, ka postuar një kolazh fotosh, nga prania e tij në derbit e mëparshëm, ku ka arritur edhe të shënojë, teksa e ka shoqëruar me shkrimin: “Gati!”.
Edhe Jasri Asani në prag të derbit ka postuar një foto nga festa e titullit të Partizanit dy sezone më parë, ku për t’u shpallur matematikisht kampionë, mposhtën Tiranën në derbi.
