Kombëtarja shqiptare ka zbritur sot në fushë, për të kryer seancën e parë stërvitore, në kuadër të ndeshjes miqësore me Kosovën, që do të luhet më 29 Maj, në Zvicër. Kuqezinjtë janë rreshtuar nën urdhrat e trajnerit Cristian Panucci, në qytetin e Zyrihut, ndërsa grupit nuk i është bashkuar ende portieri i Laçit, Gentian Selmani.
Ky i fundit do të zëvendësojë Strakoshën, që nuk u grumbullua për shkak të problemeve fizike, ndërsa do të udhëtojë drejt Zvicrës, menjëherë pas përfundimit të finales së Kupës së Shqipërisë, nesër në orën 19:00.
Gjithashtu në këtë seancë të parë nuk është stërvitur as sulmuesi shkodran Armando Vajushi, për shkak të problemeve fizike. Gjithsesi raportohet se situata e tij nuk është problematike dhe se do të vihet shpejt në dispozicion të teknikut italian.
KOMBETARJA/ Prag-Miqesorja me Kosoven. Skuadra nis pergatitjet e saj ne Zyrih nen drejtimin e trajnerit Christian Panucci!
Gepostet von Federata Shqiptare E Futbollit am Samstag, 26. Mai 2018