Pas përfundimit të kampionatit, Partizani ka qenë një ndër skaudrat që është kritikuar më së shumti për shkak se nuk mundi të plotësonte asnjë nga objektivat e përcaktuara në fillim të sezonit. Pas largimit të Sulejman Starovës, në krye të ekipit të kuq u vendos Klevis Dalipi.
Tekniku elbasanas është perfolur se mund të largohet nga pankina e “Demave” për shkak se nuk ka mundur të plotësojë ato objektiva që klubi caktoi me emërimin e tij në krye të skuadrës.
Së fundmi, Dalipi ka reaguar nëpërmjet një postimi në llogarinë e tij në Facebook, ku shkruan se profesioni që ai ushtron nuk të jep shumë kohë, por për sa kohë do ketë këtë detyrë do japë maksimumin.
@fkpartizani .. Ky profesion s’të jep shumë kohë.. E rëndesishme është që në këto kushte panvarësisht veshtirësive apo situatave të japësh gjithçka mundesh në të vetmen mundësi..”, shkruan Dalipi në llogarinë e tij në Facebook.
