“Qendro, te paktwn për Europën”, kjo ishte lutja që trajneri Ilir Daja i drejtoi kapitenit Orges Shehi pas triumfit në Kupën e Shqipërisë.
Portieri i Skënderbeut mund të konsiderohet me të drejtë të plotë si një ndër më të mirët që e kanë intepretuar këtë rol në të gjtihë historinë e Shqipërisë. Trofetë e fituar në karrierë mund të plotësonin pa asnjë problem një dhomë muzeale. Orges Shehi është një 40-vjeçar me pasionin dhe dashurinë për futbollin të një 17-vjeçari, kjo e ka udhëhequr në jetë dhe nëse ekziston dikush që i ka merituar çmimet individuale dhe kolektive të fituara ai është pikërisht gardiani nga qyteti i Durrësit.
Lidhja e ngushtë me familjen dhe jo pamundësia për të vijuar të kontribuojë në nivele të larta e kanë bërë ta mendojë seriozisht tërheqjen nga futbolli. Vetë Gesi e tha që për pak ditë do të bëjë me dije vendimin e tij përfundimtar.
Për fatin e keq të futbollit shqiptar gjasat janë që Shehi të njoftojë tërheqjen nga futbolli i luajtur, megjithatë një shpresë ekziston. Krahasimi me Buffon mund të konsiderohet nga dikush edhe i pavënd, por realisht duket i gjetur.Legjenda e futbollit italian duhet të lajmëronte braktisjen e futbollit, në fakt nuk e bëri duke i dhënë lamtumirën Juventusit por jo këtij sporti unik, natyrisht nuk presim që Shehi të bëj të njëjtën gjë sepse Skëndebreu është maksimumi në futbollin shqiptar, megjithatë të gjithë i bashkohemi lutjes së Ilir Dajës ” Qëndro, të paktën për Europën”.
