Laçi mbylli një sezon shumë pozitiv në Superligë ku u rendit në vendin e katërt dhe ishte në finalen e kupës së Shqipërisë ku u mund 0-1 nga Skënderbeu. Pavarësisht kësaj sërish bardhezinjtë do luajnë në Europa League për sezonin që vjen dhe ky është një sukses për ta. Por me siguri kurbinasit duhet të bëjnë pa kapitenin e ekipit, Gentian Selmani në sezonin e ri.
Portieri 19-vjeçar duket se do largohet nga Superliga për tu transferuar në një kampionat të huaj. Zëvendësuesin laçianët e kanë në shtëpi ku pritet ti besohet Vates që pavarësisht moshës së re ka treguar cilësi në ndeshjet ku është aktivizuar në sezonin që sapo u mbyll. Po ashtu edhe Kurtulaj është një element i prespektivës si edhe i afruari së fundmi Hasanbelliu.
