Sytë nga Serie A. Florentino Perez mendon se në Milano mund të gjejë futbollistin që do të përforcojë mbrojtjen e Real Madrid. Gazeta spanjolle “Marca” ka zbuluar se cilat janë synimet e “Los Blancos” për sa i përket mbrojtjes dhe dy emrat kryesorë në listë janë dy qendërmbrojtës të Serie A.
Në veçanti drejtuesit e Real kanë vënë në shënjestër dy “yjet” e skuadrave të Milanos: Milan Skriniar i Inter dhe Alessio Romagnoli i Milan.
Secili prej tyre kushton rreth 60 milionë euro, por klubi që ka fituar tre herë radhazi Champions League nuk e ka problem diçka të tillë dhe nëse Inter apo Milan do të pranojnë, spanjollët janë gati të paguajnë.
Sipas “Marca”, njëri mes Skriniar dhe Romagnoli do të jetë partneri i Ramos, duke u alternuar me Varane, gjatë sezonit të ardhshëm në “Bernabeu”.