Trajneri i Liverpool, Jurgen Kloop shpreson se do të arrijë të bindë anësorin e Barcelonës, Ousmanne Dembele, të kalojë në Anfield dhe për këtë pritet të takohet së shpejti pikërisht me mamanë e futbollistit.
Transferimi i pritshëm i Griezmman te Barcelona pritet të reduktojë ndjeshëm hapësirat për 21-vjeçarin, prandaj dhe trajneri gjerman kërkon t’i mbushë mendjen futbollistit duke i premtuar padyshim një rol protagonisti te “the reds”.
Por për këtë operacion problem i madh mbetet çmimi i lojtarit për të cilin Barcelona pagoi plot 138 milionë Paund për ta marrë nga Dortmund verës që shkoi. Sipas të gjitha gjasave kjo do të ishte e mundur vetëm nëse të kuqtë vendosin të shesin yllin e tyre Mohamed Salah.
Gjërat vështirësohen edhe më shumë duke parë nevojën e ekipit edhe për një portier të ri mbas paraqitjes katastrofike të Karius në finalen e Champions League.
