Brazili duhet të vazhdojë përgatitjet pa Douglas Costa dhe Renato Augusto. Të dy lojtarët nuk do të jenë në miqësoren e Selecao-s ndaj Kroacisë të dielën në Liverpool për shkak të dëmtimeve.
Ish-lojtari i Leverkusen Augusto, duhet të tërhiqej nga stërvitja ditën e mërkurë për shkak të një gjuri të fryrë. Ish-bavarezi Costa duhet të vazhdojë stërvitjen i veçuar pas dëmtimit në kofshë. Mbrojtësi i djathtë Fagner është riaftësuar plotësisht dhe është gati për Kroacinë. Edhe Neymar, i cili ka që prej shkurtit që nuk luan, thuhet se do të luajë disa minuta ndaj ballkanasve.
Selecao do të vazhdojë stërvitjen në Londër deri më 8 qershor. Më 10 qershor do të ketë një ndeshje tjetër miqësore në Vjenë ndaj Austrisë. Një javë më pas Brazili do të luajë ndeshjen e parë në Kupën e Botës ndaj Zvicrës.
