James Rodriguez, futbollisti që Real Madrid ka huazuar për dy sezone te Bayern Munich, ka pranuar se është habitur në momentin që Zinedine Zidane vendosi të jap dorëheqjen nga “Los Blancos”
Francezi deklaroi gjatë një konference për shtyp se i kishte dhënë fund aventurës te Real Madrid, vetëm pesë ditë pasi kjo skuadër fitoi për herë të tretë radhazi trofeun e Champions League, si askush tjetër në të kaluarën.
Kolumbiani nuk arriti të fitonte një vend si titullar nën urdhrat e Zidane dhe kjo ishte aryseja përse vendosi të largohet nga La Liga.
“Jam habitur nga vendimi i Zidane, – tha Rodriguez. – Mendoj se nuk jam i vetmi që jam habitur. Ai ka pasur tre vite shumë të mira ku fitoi praktikisht gjithçka. Nuk e prisja që të ikte, sepse po bënte një punë të mirë me Realin.”
