Shqipëria sot në orën 16:00 do ndeshet me Ukraninën në një miqësore që do mbyllë edhe këtë sezon për kuqezinjtë. Kjo do jetë ndeshja e gjashtë mes këtij çifti dhe bilancet flasin të gjitha në favor të ukrainasve. Shqipëria nuk ka marrë asnjë fitore në 5 ndeshjet e mëparshme kundër Ukrainës duke pasur 4 humbje dhe 1 barazim.
Statistika me të vërtetë të dobëta këto të kuqezinjve që duket se Ukrainën e kanë ‘mace të zezë’. Sot mund të jetë dita e duhur që kuqezinjtë të marrin fitoren e parë në histori përballë Ukrainës ndaj të cilëve në 5 ndeshjet e mëparshme numërojnë 3 gola të shënuar dhe 9 të pësuar.
