I larguar nga Fiorentina në përfundim të këtij sezoni me parametër zero për shkak se i mbaroi kontrata me skuadrën vjollcë, ish kapiteni i Fiorentinës Milan Badelj i ka suprizuar të gjithë me vendimin e tij.
Kroati nuk ka zgjedhur as Milani, as Interin e as Romën për të vazhduar karrierën por Napolin. Sipas asaj që raporton Sport Italia, Badelj ka arritur marrëveshjen për një kontratë 3-vjeçare me të kaltrit dhe që nga sezoni i ardhshëm do të jetë nën urdhrat e Carlo Ancelottit.
Badelj do të vendoset në kabinën e regjisë aty ku pritet të zëvendësojë Jorginhon i cili është pranë kalimit te Manchester City.