Paul Pogba rrezikon seriozisht vendin e titullarit në Kupën e Botës.
Lojtari i Manchester United e nisi nga minuta e parë të premten në fitoren 3-1 të Francës ndaj Italisë, por edhe në pozicionin e tij të preferuar në një mesfushë me tre ai nuk arriti të impresiononte në prag të Kupës së Botës.
Tifozëve francezë u ka ardhur në majë të hundës paraqitja e paqëndrueshme e Pogba dhe trajneri Didier Deschamps ka dyshimet e tij nëse duhet t’ia besojë atij çelësat e mesfushës apo jo.
Gjatë ndeshjes me Italinë pasimet e tij ishin të gabuar gjatë gjithë ndeshjes dhe një nga goditjet nga distanca gati sa nuk doli në rivënie anësore.
Pogba është fërshëllyer nga tifozët francezë në Nisë kur u zëvendësua nga Steven N’Zonzi në minutën e 87’.
Deschamps insiston se nuk e ka humbur besimin te ylli i United, por është shprehur se ai duhet ta rrisë rendimentin pasi ai dhe i gjithë populli francez pret shumë prej tij.
