Ronaldo do të luajë nga minuta e parë në miqësore kundër Algjerisë. Trajneri i Portugalisë, Fernando Santos, ka bërë të ditur se kapiteni, Cristiano Ronaldo është gati.
Ronaldo ka qenë në pushime deri të hënën, pas triumfit në Ligën e Kampionëve me Real Madridin. 33 vjeçari është rikthyer tashmë të përgatitet për Kupën e Botës dhe tekniku Santos beson se ai është gati të luajë nga minuta e parë.
“Do të tentojmë të vazhdojmë me punën që po bëjmë, evoluimin e skuadrës dhe më pas t’i analizojmë gjërat sepse pas kësaj, kemi ndeshjen me Spanjën dhe skuadra ka mësuar nga dy ndeshjet e kaluara dhe mund të mësojë edhe nga kjo e fundit para Botërorit”.
Portugalia do të përballet me Spanjën (15 Qershor), Marokun (19 Qershor) dhe Iranin (25 Qershor) në Grupin B në Kupën e Botës në Rusi.
