Një prapaskenë e bujshme është bërë publike së fundmi në arenën sportive, në lidhje me sulmuesin e Chelseas dhe skuadrën e Milan, që mund të shërbejë edhe si indikator për të ardhmen mes palëve. Sipas asaj që referon “Sky Sport”, qendërsulmuesi spanjoll është penduar që në verën e kaluar nuk pranoi ofertën e bërë nga klubi i Milan, duke zgjedhur që të largohej nga Real Madrid për tu bashkuar me Chelsean.
Mësohet se arsye e refuzimit të asaj kohe ishte mosbindija në projektin kuqezi që lidhje më së shumti me ndryshimet në kryesinë e klubit. Por, mbërritja më vonë e Leonardo Bonuçi, ish-shoku i tij i skuadrës, nga koha kur të dy luanin te Juventus, ka ndryshuar tërësisht situatën, dhe qendërsulmuesi mësohet të jetë hidhëruar për zgjedhjen e bërë, duke shkuar në angli.
Mediat italiane theksojnë se kjo është një prapaskenë e së kaluarës, por që mund të kushtëzojë edhe të ardhmen. Gjithmonë sipas “Sky Sport”, në fakt, Morata është zgjedhja e parë për sulmin e Milan, por gjithçka do të varet nga vendimi i UEFA-s, i planifikuar për në mes të qershorit. Në rast se klubi kuqezi do të mund të kënaqë kërkesat ekonomike të Chelseas, ish-sulmuesi i Real Madrid dhe Juventus, mund të pranojë në këtë pikë ofertën që refuzoi një vit më parë, mbase edhe duke reduktuar disi kontratën.
