Neymar dhe Coutinho ishin në shënjestër sot nga futbollistët e skuadrës së Austrisë të cilët në disa raste i tejkaluan limitet duke ndërhyrë shumë ashpër.
Fatmirësisht për Brazilin në përfundim të 90 minutave nuk pati asnjë lojtar të dëmtuar, por kjo nuk e ka penguar Neymar të shfryjë mllefin e tij i cili nuk është dakord për të tilla veprime në një miqësore, aq më shumë 4 ditë para Botërorit.
“Ndeshja ndaj Austrisë nuk ishte futboll, por UFC. Të paktën askush nuk është dëmtuar,”- deklaron fillimisht 26-vjeçari i cili më pas flet shkurt për shanset e ‘seleçaos’ në Rusi.
“Duhet të kesh besim tek ëndrra jote. Ne po ëndërrojmë më shumë nga dita në ditë. Ëndrrat nuk janë të ndaluara.”
