Ka entuziazëm në radhët e Egjiptit vetëm dy ditë para ndeshjes me Uruguajin. Mohamed Salah, i dëmtuar në shpatull gjatë finales së Championsit mes Realit të Madridit dhe Liverpoolit, pas një dyluftimi me Sergio Ramos, është stërvitur me pjesën tjetër të grupit, duke lënë përshtypjen se e ka lënë pas problemin fizik.
Gjithsesi, “Faraoni” është ende në dyshim për përplasjen me skuadrën latine. Gjatë seancave të mëparshme Salah ishte stërvitur i diferencuar. Sipas stafit mjekësor të Egjiptit, nuk është e sigurt prania e sulmuesit të Liverpoolit në ndeshjes së së premtes, që do të zhvillohet në orën 14:00, në Ekaterinburg.
Salah stërvitet me grupin, por mbetet në dyshim ndaj Uruguajit
